თავფურცელი სიახლეები
ქართულიინგლისური
2017/08/14

კიდევ ერთი ახალი ავიაკომპანია შემოვიდა საქართველოს საჰაერო ბაზარზე. აგვისტოდან შესაძლებლობა გექნებათ გააგზავნოთ ტვირთი თბილისის საერთაშორისო აეროპორტის ტერიტორიაზე მდებარე ჩვენი სატვირთო ტერმინალიდან ყველა იმ მიმართულებით, სადაც დაფრინავს ა/კ Gulf Air და მიიღოთ ამავე ავიაკომპანიით ჩამოსული ტვირთები.

ბახრეინის სამეფოს ეროვნული გადამზიდავი კომპანია Gulf Air 1950 წელს დაარსა და ახლო აღმოსავლეთში ერთ-ერთი პირველი კომერციული ავიაკომპანია გახდა. დღეისათვის Gulf Air-ი გახლავთ მსხვილი საერთაშორისო გადამზიდავი, რომელიც ემსახურება 42 ქალაქს 25 ქვეყანაში სამ კონტინენეზე. ბაჰრეინის აეროპორტში განლაგებული ცენტრიდან ავიაკომპანია ასრულებს დღეში ორ ან მეტ რეისს 10 რეგიონალურ ქალაქში, ინდოეთის სუბკონტინენტალური ქვეყნებისა და ევროპის ქვეყნების მიმართულებით. თბილისის საერთაშორისო აეროპორტიდან რეისები სრულდება კვირაში სამჯერ Airbus 320 ტიპის საჰაერო ხომალდებით. Gulf Air დააკავშირებს საქართველოს მსოფლიოს მრავალ ქვეყანასთან და, შესაბამისად, ხელს შეუწყობს საქართველოს საჰაერო და სატვირთო ბაზრების ზრდის პროცესს.

 
2017/06/23

მორიგი კარგი სიახლე, ხელი მოეწერა ხელშეკრულებას სატვირთო მომსახურებაზე ისრაელის ავიაკომპანიასთან EL AL Israel Airlines. ივნისის თვიდან EL AL-ით ჩამოსული ტვირთების მიღებას შეძლებთ ჩვენს ტერმინალში.

კომპანია EL AL Israel Airlines LTD. სავაჭრო ნიშნით  EL AL გახლავთ ისრაელის წამყვანი გადამზიდავი ავია კომპანია. ისრაელის ეროვნული ავიაკომპანია EL AL დაარსდა 1948 წელს და დღემდე არის ერთ-ერთი ყველაზე პრესტიჟული საერთაშორისო გადამზიდავი. დაარსების დღიდანვე  EL AL -ი იქცა ისრაელის სახელმწიფოს ისტორიის განუყოფელ შემადგენელ ნაწილად. ავიაკომპანიის ზრდასთან ერთად გაიზარდა მისი მომსახურების მსოფლიო არეალიც; დღეისათვის ის ემსახურება 50-ზე მეტ ქვეყანას, ასრულებს გეგმიურ ადგილობრივ და საერთაშორისო საჰაერო გადაზიდვებს ისრაელის ფარგლებში, ისევე როგორც ევროპის, ახლო აღმოსავლეთის, ამერიკის, აფრიკისა და შორეული აღმოსავლეთის ქვეყნების მიმართულებებით. EL AL Cargo უზრუნველყოფს ყველა სახის სატვირთო მომსახურებას და მტკიცედ ინარჩუნებს სანდოობისა და პროფესიონალიზმის მაღალ დონესა და გამოირჩევა მომხმარებლისადმი დიდი ყურადღებით.  თბილისის საერთაშორისო აეროპორტიდან ავიაკომპანია შეასრულებს ფრენებს Boeing 737 ტიპის თვითმფრინავებით კვირაში ოთხჯერ.  EL AL Cargo  თავის მომხმარებელს სთავაზობს შემოქმედებით და ეფექტური გადაწყვეტილებებს, უსაფრთხოებასა და საიმედობაზე დაყრდნობით.

 
2017/06/20

შ.პ.ს. "ლასარე" - 2016 წლის საუკეთესო აგენტი

სატვირთო გაყიდვების უფროსი - სოფიო ბერძენიშვილი
სატვირთო ოპერაციების კონტროლის უფროსი - ხათუნა არაბული

 
2017/01/17

2016 წლის საუკეთესო თანამშრომლები!

 
2016/05/20

ა.წ. 3-7 მაისს, IATA -ს სტანდარტების თანახმად, ჩვენს თანამშრომლებს ჩაუტარდათ სწავლება თემაზე „პაკეტირების საშუალებებისა და ტვირთის დამუშავების კომპლექტირების წესები ავია სატვირთო ტერმინალში“. სწავლების მიზანია არსებული კომპეტენტურობის დახვეწა, რომელიც აუცილებელია ავია სატვირთო ტერმინალში ტვირთის დამუშავების ტექნოლოგიურ პროცესში ჩართულ სპეციალისტთა სავალდებულო პროფესიონალური საიმედობისთვის და შემდგომში საჰაერო ხომალდის ბორტზე ჩასატვირთი ტვირთის კომპლექტირებაზე პასუხისმგებელ პირთათვის, არსებული კვალიფიკაციის ფარგლებში.


 
2016/05/18

კიდევ ერთი სასიამოვნო სიახელე, ჩვენმა კომპანიამ ხელი მოაწერა ხელშეკრულებას სატვირთო მომსახურებაზე ბერძნულ ავიაკომპანია “Ellinair”-თან. ა.წ. მაისის თვიდან ა/კ “Ellinair”-ის რეისებით ჩამოსული ტვირთების მიღება შეგიძლიათ ჩვენთან ტერმინალში.

 
2016/02/19

2016 წლის იანვრიდან ლასარე-ს საავიაციო სატვირთო ტერმინალმა დაიწყო ავიაკომპანია YANAIR-ის რეისების სატვირთო მომსახურება შოთა რუსთაველის სახელობის თბილისის საერთაშორისო აეროპორტში.

 
2016/01/31

მოხარულები ვართ გაცნობოთ, რომ 2016 წლიდან შ.პ.ს. „ლასარე“-ს, სათანადო აუდიტის შედეგად,  ოფიციალურად მიენიჭა რეგულირებადი აგენტის (RA3)-ის სტატუსი მესამე რიგის ქვეყნებში.

აღნიშნული ფაქტი ხელს შეუწყობს ევროპის ქყეყნებში ავიაკომპანიების მხრიდან ფრენების დამატებას, რაც გამოიწვევს საჰაერო გადაზიდვებში ჩართული მეწარმეების განვითარებას და მათი ბიზნესის ხელშეწყობას.

მცნება მესამე რიგის ქვეყნების რეგულირებადი აგენტი აქტუალური გახდა 2010 წლის ოქტომბრის მოვლენის შემდეგ, კერძოდ: შუა აღმოსავლეთის და ევროპის აეროპორტებში საჰაერო გზით გადასაზიდ გზავნილებში უშიშროების სამსახურის თანამშრომლებმა აღმოაჩინეს თვითნაკეთი ასაფეთქებელი მოწყობილობები და მოახერხეს მათი უგულებელყოფა მოქმედებაში მოყვანამადე. აღნიშნული ფაქტის შედეგად ევროკავშირის ქვეყნების სამოქალაქო ავიაციის სააგენტოს წარმომადგენლებმა გადაწყვიტეს უშიშროების ზომების გამკაცრება ევროპის მიმართულებით ფრენების უსაფრთხოების მიზნით.

2010 წლის ინციდენტს შედეგად მოყვა ICAO-ს (International Civil Aviation Organization) მიერ ახალი სტანდარტების და რეგულაციების შემუშავება, უშიშროების და უსაფრთხოების ზომების დახვეწის და გამკაცრების მიზნით.

დაინტერესების შემთხვევაში დამატებითი ინფორმაცია შეგიძლიათ იხილოთ ბმულზე: http://ec.europa.eu/transport/modes/air/security/cargo-mail/entities_en.htm

 
2016/01/14

2015 წლის საუკეთესო თანამშრომლები! გილოცავთ!!!

 
2015/05/18

ლუფთგანზა კარგო გადავიდა ახალ iCAP სისტემაზე და თბილისიდანაც დაიწყო წარმატებით ფუნქციონირება ამ სისტემაში.

 
<< დაწყება < წინა 1 2 3 4 შემდეგი > ბოლოს >>

JPAGE_CURRENT_OF_TOTAL

სიახლეები

    კიდევ ერთი ახალი ავიაკომპანია შემოვიდა საქართველოს საჰაერო ...

    მორიგი კარგი სიახლე, ხელი მოეწერა ხელშეკრულებას სატვირთო მო ...

    შ.პ.ს. "ლასარე" - 2016 წლის საუკეთესო აგენტი

    ...

    2016 წლის საუკეთესო თანამშრომლები!

    ა.წ. 3-7 მაისს, IATA -ს სტანდარტების თანახმად, ჩვენს

    all news